काठमाडौँ १७ असार । नेकपा एमालेका अध्यक्ष केपी शर्मा ओली एमालेको विजय उत्सब सभालाई सम्बोधन गर्न आज दिउँसो गुल्मी जाने भएका छन । नेपाली कांग्रेसको पकड किल्ला मानिएको रेशुङ्गा नगरपालिकामा एमालेका उम्मेदवार बिजय भएपछि सभालाई सम्बोधन गर्न पूर्वप्रधानमन्त्री ओली गुल्मी जान लागेका हुन । उनीसँगै गुल्मीबाट प्रतिनिधित्व गर्ने प्रभाबशाली दुई केन्द्रिय नेता सचिब प्रदिप ज्ञवाली र पूर्व मन्त्री गोकर्ण विष्ट पनि कार्यक्रमा सहभागि हुने एमालेका एक नेताले जानकारी दिए । दिउँसो २ बजे उनीहरु तम्घास पुग्ने बताइएको छ ।
गुल्मीको रेशुङ्गा नगरपालिकामा कांग्रेसका जिल्ला सभापति समेत रहेका भूवन प्रसाद श्रेष्ठलाई पराजित गदै नेकपा एमालेका डिल्लीराज भुसाल र उपमेयरमा सिता भण्डारी विजयी भएका हुन । मेयरमा विजयी भूसालले निकटतम प्रतिद्वन्द्वी कांग्रेसका श्रेष्ठलाई १ सय ७७ मतको अन्तरले पराजित गरेका हुन । भूषाल २०५४ सालको स्थानीय चुनाबमा रुेष्ठसँगै पराजित भएका थिए ।
