न्युज बैंक नेपाल, काठमाडौ । नेपाली ब्लकबस्टर चलचित्र “छक्का पन्जा” पछी अर्को बहुप्रतिक्षित नेपाली चलचित्र “म यस्तो गीत गाउँछु” ले चलचित्र प्रदर्शनको दोस्रो दिन आज गोपी कृष्णहलमा अर्को रेकर्ड बनाएको छ । प्रदर्शनको दोस्रो दिनमा नै लाखौं दर्शकले अत्यधिक रुचाएका छन चलचित्र ” म यस्तो गीत गाउछु ” लाई । गोपी कृष्ण सिनेमा घरमा आज पांचै वटा हलमा हाउसफुल प्रदर्शन भयो । यस फिल्मका बितरक एवम चलचित्र निर्माता गोपाल काजी कायस्थ्य अत्यन्त उत्साहित हुँदै खुशी भएका छन, ” अब बिदेशी सिनेमालाई नेपाली दर्शकले पन्छाउने दिन आईसकेको छ, लगातार नेपाली चलचित्र लाई माया गर्दै आउँदै छन, अब केही बर्षपछी नेपालका सिनेमाघरमा नेपाली चलचित्र मात्र हुनेछ” उन्ले भने । चलचित्र “म यस्तो गीत गाउछु” लाई सुदर्शन थापाले निर्देशन गरेका हुन । यो चलचित्रमा छांयाकार सञ्जय लामा छन भने सम्पादकमा प्रितम रहेका छन । पल शाह र पूजा शर्माको मुख्य अभिनय रहेको यो चलचित्रलाई सुदर्शन थापा र पूजा शर्माले लगानी गरेका हुन ।
आज भएको प्रदर्शन पूर्व गोपी कृष्णहलमा दर्शकको घुइचो ( भिडियो हेर्न तल क्लिक गर्नुस् )