काठमाडौ । नेपाली चलचित्र “म यस्तो गीत गाँउछु” सर्बाधिक सफल भए पछी निर्देशक सुदर्शन थापा तथा नायिका पूजा शर्माले अर्को नयाँ चलचित्रको तयारीमा रहेकै बेला चर्चित हाँस्य कलाकार माग्ने बुढालाई १० लाख रुपैया दिएर अनुबन्ध गरेका छन ।
अब बन्ने चलचित्र नाम घोषित नभएता पनि सुदर्शन थापाले आउने चलचित्र माघको अन्तिम साता बाट फ्लोरमा जाने र चलचित्रको नाम पनि चाडैनै सार्बजनिक गर्ने भएका छन ।
यतीबेला चलचित्र क्षेत्र माग्ने बुढाको प्रारिश्रमिक बाट फेरी तातेको छ । टेलीफिल्म ” मेरि बास्सै ” अभिनयमा लागेका केदार घिमिरेले माग्ने बुढाको नाम बाट अभिनय गरेका हुन । दिपक दिपा निर्मित चलचित्र “छ एकान छ” बाट ठुलो पर्दामा पदार्पण गरेका केदार घिमिरे उक्त ब्यानर बाहेक अन्य चलचित्रमा अभिनय गरेका छैनन । केदार घिमिरेले अभिनय गरेको चलचित्र “छक्का पन्जा” र ‘छक्का पन्जा २’ले हाल सम्मकै सर्बाधिक कलेक्सन गरेको थियो ।
निर्देशक सुदर्शन थापाले निर्माण गर्ने भनिएको चलचित्रमा माग्ने बुढाकै कथा रहेकोले गर्दा कलाकार केदार घिमिरे लाई रु १० लाख पारीश्रमिक दिएको बताइएको छ भने केदार घिमिरे – माग्ने बुढाले सुदर्शन को चलचित्र छाँयाकन नसकिए सम्म छक्का पन्जा ३ बाहेक अन्य चलचित्रमा अभिनय गर्न पाउने छैनन ।
नेपाली चलचित्र क्षेत्रमा सर्बाधिक पारिश्रमिक लिनेमा अनमोल केसी र प्रदिप खड्का पछी केदार घिमिरे पनि सर्बाधिक रकम लिने कलाकार रहेका छन ।
