सुर्खेत,११ भदाै । सुर्खेतमा आज विहान बस दुर्घटना हुँदा ३ जनाकाे मृत्यु भएकाे छ। एक जनाकाे घटनास्थलमै र दुई जनाकाे उपचारका क्रममा काेहलपुर मेडिकल कलेजमा मृत्यु भएकाे हाे।
जिल्ला प्रहरी कार्यालय सुर्खेतका अनुसार ना४ख ९३१७ नंको बस अन्दाजी बिहान साढे ३ बजे दुर्घटना हुँदा मृत्यु भएका तीनै जनाकाे सनाखत भएकाे छैन्।
जाजरकोटबाट नेपालगञ्जतर्फ जाँदै गरेको बस आज बिहान रत्न राजमार्गअन्तर्गत पर्ने भेरीगङ्गा नरगपालिका–५ स्थित हर्रेमोडमा दुर्घटना भएकाे थियाे ।
मृतकमध्ये दुई महिला र एक पुरुष छन् । त्यस्तै २७ यात्रु घाइते छन् । घाइतेहरुको भेरीगङ्गा नगरपालिकास्थित मेडिकल र कोहलपुर मेडिकल कलेजमा उपचार भइरहेको छ ।
