काठमाडौं, साउन २२ । आज शुक्रबार नेपाली बजारमा सुनचाँदीको मूल्यमा केहि गिरावट आएको छ ।
गत कारोबार दिन बिहीबारको तुलनामा छापावाला सुनको मूल्य तोलामा ५ सय रुपैयाँले कमी आएको हो ।
बिहीबार ९२ हजार रहेको सुनको मूल्य आज कमी आइ ९१ हजार ५ सय कायम भई कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तैगरी आज तेजावी सुनको मूल्य ९१ हजार रहेको छ ।
शुक्रबार चाँदीको मूल्य तोलामा १० रुपैयाँले कमी आएको छ । बिहीबार प्रतितोला चाँदीको मूल्य १ हजार २ सय ७५ रहेकोमा आज मूल्य गिरावट आई १ हजार २ सय ६५ कायम भई कारोबार भइरहेको महासंघले जनाएको छ ।
