काठमाण्डौ, १ भदौ । अफगानिस्तानबाट कतार स्थित अमेरिकी बेशक्याम्प र त्यहाँबाट कुबेत हुँदै १ सय २७ नेपालीहरु काठमाडौं आइपुगेका छन । अमेरिकी सेनाले उनीहरुलाई जजिरा एयरको विमान चार्टर गरी काठमाण्डौ पठाएको हो । अफगान्स्तिान स्थित अमेरीकि बेशक्याम्पमा कार्यरत उनिहरु आज बिहान त्रिभुवन अन्तर्राष्ट्रिय विमानस्थलमा अवतरण गरेका छन । कुबे्तको समय अनुसार बिहान ३ बजे जजिरा एयरको उडन नँ जे९ १५४१ बाट उडेका उनिहरु काठमाण्डौमा बिहान १०.१७ मा अबतरण भएका थिए ।
उनिहरुको ब्यबस्थापनकालागी नेपाली सेनाको टोली त्रिभुवन अन्तर्राष्ट्रिय विमानस्थलमा पुगेको छ । बिमानस्थलबाट उनिहरुलाई सामाखुसीस्थित एक आइसोलेसन सेन्टरमा राखि प्रक्रिया पुर्याएर घर पठाइने जानकारी न्यूजबैकलाई प्राप्त भएको छ ।
