बारा, २३ कार्तिक । २० लाख रुपयाँ सहित हुण्डी कारोबार गर्ने एक जनालाई बारा प्रहरीले पक्राउ गरेकोे छ ।
बिश्रामपुर गाउँपालिका–५ बकटुवाका ३१ वर्षिय चन्दन कुमार साहलाई नगद २० लाख सहित प्रहरीले पक्राउ गरेको हो । उनलाई वीरगञ्जको घण्टाघरस्थित सडकबाट पक्राउ गरेको थियो ।
घण्टाघरबाट आदर्शनगर जादै गरेको ना४८प ७६९१ नम्बरको मोटरसाइकललाई कार्यालयबाट खटिएको टोलीले शंका लागी रोकी जाँच गर्दा बीस लाख रकमसहित पक्राउ गरिएको प्रहरीले जनाएको छ ।
अभियुक्तलाई नियन्त्रणमा लिई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाएको जिल्ला प्रहरी कार्यालय विरगञ्जले जानकारी दिएको छ ।
