लोपबुरी थाइल्याण्डको एउटा राज्य हो । यसलाई बाँदरको प्रदेश पनि भनिन्छ । यहाँ आजकाल बाँदर बुफे पर्व मनाइँदैछ । यो पर्व पूर्णतया बाँदरलाई समर्पित छ । यो पर्व हेर्न विश्वभरका पर्यटकहरु विशेषगरी थाइल्याण्ड पुग्छन् । यो पर्व हरेक वर्ष मनाइने भए पनि पछिल्लो दुई वर्षदेखि कोरोना महामारीका कारण प्रतिबन्ध लगाइएको थियो, जुन अहिले फेरि सुरु भएको छ ।
यस पर्वमा बाँदरलाई वर्षेनी लाखौं रुपैयाँको फलफूल र तरकारी खुवाइन्छ । हरेक वर्ष मनाइने यो पर्वको कारण पर्यटक हुन् । पर्यटकलाई आकर्षित गर्न र बाँदरहरूलाई धन्यवाद दिन बाँदर बुफे महोत्सव मनाइन्छ
यहाँ बाँदरलाई स्याउ, केरा, डुरियन र अनानास जस्ता फलफूल खान दिइन्छ । खानेकुरा राखेपछि बाँदरको भीड लाग्ने गरेको छ । बाँदरलाई ठूलो सम्मानका साथ खाना दिइन्छ । उनीहरुका लागि थालमा खानाको व्यवस्था गरिएको छ । विशेष कुरा के हो भने बाँदरले यहाँ उपस्थित कुनै पनि पर्यटकलाई हानि गर्दैन । यसलाई हेर्न सयौं पर्यटक यहाँ पुग्छन् ।
विशेषगरी नोभेम्बरमा यो पर्व हेर्न थाइल्याण्डमा १ लाख पर्यटक पुगेका छन् । जसले पर्यटकहरुमा यसप्रति निकै उत्साह रहेको प्रमाणित गर्छ । पछिल्लो १० महिनामा सबैभन्दा धेरै पर्यटक यहाँ आइपुगेका छन् ।
बाँदरहरू लोपबरीको फ्रा प्राङ साम योड मन्दिर बाहिर बाँदर बुफे महोत्सवको लागि भेला हुन्छन् । त्यसैले उनीहरुका लागि विशेष पार्टी आयोजना गरिएको हो । यस वर्ष बाँदरका लागि डुरियन फलफूलको पनि विशेष व्यवस्था गरिएको थियो । सियार जस्तै देखिने डुरियन फल थाइल्याण्ड र इन्डोनेसियामा व्यापक रूपमा खेती गरिन्छ । बाँदरहरूले यसलाई खुब चासोका साथ खान्छन् ।
