संसारमा यस्ता धेरै कुरा छन्, जसलाई देखेर मानिसहरु अचम्ममा पर्छन् । वास्तवमा, संसारमा इन्जिनियरहरूको कमी छैन, तर केहि इन्जिनियरहरू यस्ता छन् जसले संसारको सामु एक अद्भुत उदाहरण बनाउदै आएका छन् । स्काइपुल इन्जिनियरिङको उत्कृष्ट उदाहरण पनि हो, जुन अहिले विश्वभर चर्चाको विषय बनेको छ ।
स्काइपुल एउटा पौंडी पोखरी हो, जसलाई विश्वको सबैभन्दा अग्लो स्विमिङ पूल भनिन्छ । प्रायः ठूला होटलहरूमा स्विमिङ पुलहरू छन् र त्यो पनि भुइँ तल्लामा तर स्काइपूल सबैभन्दा अनौठो छ, किनभने यो जमिनबाट २०० मिटरको उचाइमा अवस्थित छ ।
यहाँबाट ३६० डिग्रीको दृश्य देखेर मानिसहरु मंत्रमुग्ध हुने बताइएको छ । रिपोर्टका अनुसार यो स्विमिङ पुल पाम टावरको ५० औं तलामा बनाइएको हो । वास्तवमा दुबईको पाम जुमेराह आइल्याण्डमा पाम टावर नामक एउटा गगनचुम्बी भवन बनाइएको छ ।
यो स्विमिङ पुल ७५० मिटर स्क्वायर लाउन्ज स्पेसमा बनाइएको छ । यहाँ आएर मानिसले २०० मिटरको उचाइमा नुहाउने र नुहाउँदा दुबईको सुन्दर दृश्य पनि हेर्न सक्छन् । यहाँ आउनका लागि मानिसहरूले पहिलो बिहानको सत्र, दोस्रो सूर्यास्त सत्र र तेस्रो दिनको भ्रमण गरी तीनवटा फरक–फरक सत्रहरू बुक गर्न सक्छन् ।
यहाँ घुम्नका लागि विभिन्न दरहरू राखिएको छ, जुन रु तीन हजारदेखि रु आठ हजारसम्म पुग्न सक्छ । विशेष कुरा के छ भने स्विमिङ पुलको माथि दुई तल्ला पनि बनाइएको छ, जहाँबाट पर्यटकले तलको दृश्यको आनन्द लिन सक्छन् । यसबाहेक यहाँ सेन्ट रेजिस नामक होटल पनि छ, जसमा जम्मा ३ सय कोठा छन्, जहाँ पर्यटक आरामसँग बस्न सक्छन् ।
