काठमाडौं २४ मंसिर । नृत्यांगना सुनिता बस्नेतको कोरियोग्राफी रहेको म्यूजिक भिडीयो ‘भाग्य भित्र जीवन’सार्बजनिक भएको छ । निषेधाज्ञा खुकुलो भएयता नृत्य प्रशिक्षकसंगै म्युजिक भिडियो निर्देशनमा समेत ब्यस्त भएकी बस्नेतको कोरियोग्राफी रहेका बोलको म्युजिक भिडियो फुलारा इन्टरटेनमेन्ट नेटवर्क र श्याम खत्रीको संयुक्त निर्माणमा बनेको हो । साहित्यकार एवं गीतकार भीष्मराज फुलाराको शब्द ‘भाग्य भित्र जीवन’ बोलको गीतमा अञ्जु पन्तको स्वर रहेको छ भने बाबुल गीरीले संगीत भरेका छन् । समसामयिक मर्मस्पर्सी गीतले नेपाली एकल नारीको भाग्य कस्तो हुन्छ भन्ने कुरा चित्रित गरेको छ । ‘भाग्य भित्र जीवन’को भिडियोमा पृथ्वी प्रसाई र अनु शाहको अभिनय रहेको छ ।
