काठमाडाैं । नेपाली कांग्रेसको महामन्त्रीमा युवा नेताद्धय गगन थापा र विश्वप्रकाश शर्मा निर्वाचित भएका छन्।

केन्द्रीय निर्वाचन समितिका अनुसार थापाले ३ हजार २३ र विश्वप्रकाश शर्माले १ हजार ९८४ मत पाएर निर्वाचित भएका हुन्। थापा शेखर काेइराला र शर्मा प्रकाशमान सिंह प्यानलबाट उम्मेदवार बनेका थिए ।

महामन्त्री पदका डा. प्रकाशशरण महतले १ हजार ५५०, प्रदीप पौडेलले १ हजार ४०९, डा. मिनेन्द्र रिजालले ८ सय ९ र राजाराम कार्कीले १०७ मत पाए। निर्वाचन समितिले आधिकारिक रुपमा घोषणा गरिसकेको छैन।