काठमाडौ १५ माघ । नेपाल सांस्कृतिक संघको केन्द्रीय सदस्यमा युवा साहित्यकार भीष्मराज फुलारा मनोनित भएका छन । संघका अध्यक्ष तीर्थ थापाले फुलारालाई केन्द्रिय सदस्यमा मनोनित गर्नु भएको हो । युवा साहित्यकार तथा गीतकार भीष्मराज फुलाराको ‘कस्तो भाइरस आयो’, ‘जुनसरी बिलाई गयौं’, ‘हमेशा यो शहरको डेरामा’, ‘भाग्यभित्र जीवन खोज्दै’ को अडियो तथा भिडियो बजारमा आइसकेको छ भने ‘आँसु पिउदै’ को भिडियो र ‘वासुदा’ नामक कृति सार्वजनिक हुने क्रममा छ । लिटरेचर फाउण्डेसन नेपालका अध्यक्ष समेत रहेका फुलाराका सार्वजनिक कृतिमध्ये उपन्यास ‘टुहुरो कुण्डली’ र यसको अङ्ग्रेजी संस्करण ‘ओरपान हरस्कोप’ धेरै पाठकले रुचाएको कृति हो ।
