काठमाडौं,१६ माघ । बेलायतका बिभिन्न रमणीय स्थलमा छायाँङ्कन गरिएको
‘बलेको आगो’ बोलको आफ्नो नयाँ गीतको म्युजीक भिडियोको गायक राजकुमार सिंहले भिडियो सार्वजनीक गरेका छन् । भिडियोको कोरियोग्राफी तथा निर्देशन प्रभु गुरुङले गरेका हुन् ।
आरडिआर इन्टरटेन्मेन्ट युट्युव च्यानलमार्फत सार्बजनिक गरिएको भिडियोमा अभिनेता ध्रुव दत्त,रोशना कार्की र दुर्गा सिंहको अभिनय छ ।
प्रेमी–प्रेमीकाबीचको सम्बन्धमा आउने असमझदारी र त्यसले दिने पीडालाई प्रस्तुत गरिएको भिडियोको छायांकन तथा सम्पादन सुमन श्रेष्ठले गरेका हुन् ।
केशब बैरागी काइँलोको शब्द रचना र सुनील राईको संगीत तथा नवीन निरौलाको कलर ग्रेडिङ रहेको भिडियोको प्रस्तुतकर्ता राजकुमार सिंह हुन भने निर्माता दुर्गा सिंह हुन ।
