काठमाडौं, ३० फागुन । गैर आवासीय नेपाली संघ एनआरएनएका अध्यक्ष कुमार पन्तले संघका पुर्व अध्यक्ष शेष घलेका पछिल्ला गतिविधिले अदालतको अपहेलना भएको बताएका छन ।
पन्तले आज एक विज्ञप्ति जारी गर्दै संघले संरक्षक परिषद र उच्चस्तरीय समिति भङ्ग भैसकेको अवस्थामा समिति पुनर्गठन गरेको भनी बक्तब्यबाजी गर्नु खेदजनक भएको पनि बताएका हुन ।
सबैलाई समेट्ने प्रयास भैरहेका बेला पुर्व अध्यक्ष घलेले विधान बिपरितका गतिविधि गरी समाजलाई विभाजन तर्फ लैजान खोजेको आरोप विज्ञप्तिमा लगाइएको छ ।
‘संघमा विभाजन ल्याउने र समाजमा फुट ल्याउने गतिविधि बन्द गरी सहमतिको बातावरण बनाउन सबैलाई आग्रह गर्दछौ’ विज्ञप्तिमा भनिएको छ ।
आगामी मार्च २४ र २५ तारिख एनआरएनएको निर्वाचन तय भैसक्दा पनि सहमति जुट्न नसक्दा संघ फुट तर्फ उन्मुख भएको छ । अध्यक्षका प्रत्यासी कुल आचार्यले सँघको बिबाद समाधान नहुँदै निर्बाचन तालिका प्रकाशित भएको भन्दै आफु लगायत आफ्नो टिमको उम्मेद्दवारी दर्ता नगराएपछी सँघ बिभाजन उन्मुख भएको हो ।
