काठमाण्डौ, २३ चैत्र । चार ओटा एअरलाइन्सको रिफन्डेबल टिकट अब “आइएमई पे” काट्न मिल्ने भएको छ । आइएमई ग्रुप अन्तर्गतको आइएमई पे ले ल्याएको रिफन्डेबल एअरलाइन्स टिकट फिचर अन्तर्गत अब ग्राहकहरुले विभिन्न राष्ट्रिय उडानको टिकटलाई रिफन्डेबल टिकटमा परिवर्तन गर्न सक्ने आइएमई ग्रुपले प्रेस बिज्ञप्ती मार्फत जानकारी दिएको छ । बिज्ञप्तीमा जनाइए अनुसार आइएमई पे मार्फत श्री एअरलाइन्स, सौर्य एअरलाइन्स, बुद्ध एअरलाइन्स र यती एअरलाइन्सको टिकटहरु अब ग्राहकहरुले सजिलै रिफन्डेबल टिकटमा रूपान्तरण गर्न सक्ने छन ।
पछिल्लो समयमा आइएमई पेले ल्यााएको रिफन्डेबल एअरलाइन्स टिकट फिचरले लोकप्रियता प्राप्त गरे सँगै विभिन्न एअरलाइन्स कम्पनीहरु यस फिचरको प्रयोग गर्ने उद्देश्यले आइएमई पे सँग जोडिने प्रकृया सुरु भएको हो ।
ग्राहकहरुले आइएमई पेबाट सुपथ मुल्यमा उच्चतम क्यासब्याकका साथ एअरलाइन्स टिकट प्राप्त गर्नको साथै रिफन्डेबल टिकटको फिचर प्रयोग गरी अत्यावश्यक समयमा टिकटको पुर्ण मूल्य रिफन्ड पनि पाउन सक्नेछन ।
