काठमाण्डौ, चैत्र २३ । पछिल्लो २४ घण्टामा ८४ जनामा सँक्रमण पुष्टि भएसँगै नेपालमा सक्रिय कोरोना सँक्रमितको सँख्या ३ सय ५८ पुगेको स्वास्थ मन्त्रालयले जानकारी दिएको छ ।
मन्त्रालयका अनुसार आज १ हजार ४०२ नमूना परीक्षण गरिएकामा २ सय ७२ पीसीआर परीक्षणमा ६३ जना र १ हजार १ सय ३० जनाको एन्टिजेन परीक्षण गर्दा २२ जना गरी ८४ जनामा कोरोना संक्रमण पुष्टि भएको हो ।
जसमध्धे ६५ जना सँक्रमित काठमाण्डौ बाहिरका छन भने काठमाडौं उपत्यकामा १९ जना कोरोना संक्रमण पुष्टि भएको छ ।
आज सम्म आईसीयूमा ४ जना र भेन्टिलेटरमा एकजना कोरोनाका बिरामीको उपचार भइरहेको छ भने संस्थागत आइसोलेसनमा १७ जना छन ।
हिजो ९८ जनामा कोरोना सँक्रमण देखिएको थियो भने कोरोनालाई जितेर आज २७ जना सँक्रमण मुक्त भएका छन ।
