काठमाडौं, ३ बैशाख । अन्तराष्ट्रिय खेलाडी आउँदा, खेल खेल्दा र बिश्वका करिब २ सय देशमा प्रतक्ष प्रसारण हुँदा मुलपानी क्रिकेट स्टेडियम तथा कागेश्वरी मनोहरा नगरपालिकाले पहिचान बढाउन तथा गरिमा जोगाउन सँम्पुर्ण नगरबासी स्थानीय नागरिक, स्थानिय सँघ सँस्था लगायतले धैर्यता, सँयमता र ब्यबस्थापन तथा पाहुनाको सत्कारमा कमि हुन दिन नदिन कागेश्वरी मनोहरा नगर पालिकाका प्रमुख उपेन्द्र कार्कीले आग्रह गर्नु भएको छ ।
पहिलो पल्ट अन्तराष्ट्रिय खेल ( एसिसी म्यान्स प्रिमियर कप २०२३) सन्चालन हुन लागेको मुलपानी क्रिकेट मैदानको सरसफाइ महा अभियानमा आफ्नो धारणा राख्दै नगर प्रमुख कार्कीले भन्नु भयो हामिले हाम्रो गरिमा र पहिचान हामि आफैले कायम राख्ने हो । हमिले ७ सय ५३ मध्धेकै नमुना नगर र खेलकुद नगरीका रुपमा कागेश्वरी मनोहरा नगर पालिकालाई बिकसित गर्दै छौ ।
रक्बी, बक्सीङ, भलिबल तथा फुटबलको लागी समेत खेल मैदान तथा कबर्डहल नगर पालिका भित्र बनाउन राट्रिय खेलकुद परिषद सँग सैदान्तिक सहमती भइ सकेको जानकारी गराउँदै नगर प्रमुख कार्कीले आज करिब ३ घण्टा आफै फोहोर उठाउँदै स्टेडियम परिसर सफा र स्वच्छ वातावरण हुनुपर्ने र त्यो काम आफैबाट शुरु गर्नुपर्ने भन्दै बिहानभर सर सफाई महा अभियानमा सहभागी हुनु भएको थियो ।
क्रिकेट स्टेडियम सरसफाई महा अभियानमा नगर उप प्रमुख शान्ता थापा, नेपाल क्रिकेट एसोसियसनका अध्यक्ष चतुर बहादुर चन्द, नगरपालिकाका कर्मचारीहरु, नगर प्रहरी वडा नँ ५ र ६ का अध्यक्ष तथा जन प्रतिनिधीहरु, नेपाल रेडक्रस सोसाइटी कागेश्वरी मनोहरा उपशाखा, नेपाल स्काउट, बिभिन्न बिधालय तथा कलेजका बिधार्थीहरु, स्थानिय क्लबहरुका सदस्यहरु, बिभिन्न दलका नेता कार्यकर्ता लगायत करिब ५ सयले क्रिकेट स्टेडियम परिसर सफा गरेका थिए ।
मुलपानी क्रिकेट मैदानमा बैशाख ५ गते पहिलो अन्तराष्ट्रिय खेलका रुपमा हङकङ र सिंगापुरबीचको खेल हुदैछ ।
एसिसी म्यान्स प्रिमियर कप २०२३ मा नेपाल समूह ‘ए’ मा परेको छ । नेपालको समूहमा ओमान, कतार, मलेसिया र साउदी अरेबिया छन । समूह ‘बी’ मा युएई, हङकङ, कुवेत, सिंगापुर र बहराइन छन । नेपालले पहिलो खेल मलेसियासँग वैशाख ५ मा त्रिवि मैदानमा खेल्नेछ । यस्तै दोस्रो खेल ओमानसँग वैशाख ८ मा त्रिविमा, तेस्रो खेल मुलपानी मैदानमा साउदी अरेबियासँग वैशाख ११ गते र अन्तिम खेल वैशाख १४ गते कतारसँग त्रिवि मैदानमा खेल्नेछ ।
समूहका शीर्ष दुई टिम सेमिफाइनल पुग्नेछन । सेमिफाइनल वैशाख १६ र फाइनल वैशाख १८ गते हुनेछ ।
