काठमाडौं । राष्ट्रपति रामचन्द्र पौडेल उपचारपछि अस्पतालबाट डिस्चार्ज भएका छन् । मुटु जाँचका लागि हिजाे बिहान गंगालाल राष्ट्रिय हृदय रोग केन्द्र भर्ना भएका उनी आज बिहान डिस्चार्ज भएका हुन् । 

पौडेललाई २४ घण्टासम्म चिकित्सकको निगरानीमा राखिएको थियो ।  अस्पतालले राष्ट्रपति पौडेलको अवस्था सामान्य रहेको पनि जनाएको छ । राष्ट्रपतिका स्वकीय सचिव चिरञ्जीवी अधिकारीका अनुसार नियमित जाँचका लागि उनलाई अस्पताल लगिएको थियो ।