काठमाडौं, ९ साउन । युवा श्रोता तथा दर्शकको मनमा बस्न सफल गायक नविन के भट्टराईले गाएको लोकप्रिय गित ए झरीको फिमेल भर्सन रिलिज भएको छ । डेड दशक पहिले रिलिज भएर अहिले पनि श्रेताको कर्णप्रिय गित ए झरी.. बोलको गितलाई फिमेल आवाजमा पछिल्लो समयकी चर्चित गायिका अमृता लिम्बूलाई स्वर दिएकी हुन् ।
उक्त गीतको म्युजिक भिडियो पनि आजै सार्वजनिक भएको छ । म्युजिक नेपालको अफिसियल युट्यूब च्यानलबाट सार्वजनिक गरिएको हो । उक्त गीतको भिडियोमा पछिल्लो समयका लोकप्रिय मोडल पुष्प खड्का र अभिनेत्री तथा मोडल माला लिम्बूले अभिनय गरेका छन् । प्रेम र प्रकृतिभावलाई दर्साएको भिडियोमा पुष्प र मालाको केमेष्ट्रि दमदार देखिएको छ । ए झरी’ गीतमा संगीत अर्जिनल भर्सनलाई नै राखिएको छ अर्थात संगीत संयोजनमा कुनै तोडमोड गरिएको छैन । जसमा शम्भुजीत बास्कोटाको संगीत र डा. अरुण सायमीको शब्दरचना रहेको छ ।
निकेश खड्काले निर्देशन गरेको यस गीतको भिडियोलाई विकास धमलाले सम्पादन गरेका छन । निर्देशकको क्रियशनलाई क्यामेरामा कैद गर्ने काम उत्तम हुमागाइँले गरेका छन् । गायिका अमृताको यो पछिल्लो गीत हो । गायिका अमृताको यसअघि शीरैमा शीरफूल’, झुम्के माया’, लकुेर हे¥यौ जस्ता थप्रै गीत चर्चित छन् ।
