काठमाडौ ६ मंसिर । पाँचौं ज्योति फिल्मस् म्युजिक अवार्ड– २०८० युएइको औधोगिक एबँ पर्यटकिय शहर दुबइमा आयोजना हुने भएको छ । आगामी पुस १ गते सम्पन्न हुन गईरहेकोको अवार्डको उत्कृष्ट पाँच मनोनयन समेत सार्वजनिक भएको छ । रोयल मुभिज प्रालिको प्रस्तुतीमा बिगत चार बर्ष देखि नेपालमा आयोजना हुँदै आइरहेको ज्योति फिल्मस् म्युजिक अवार्ड यसबर्षको पाँचौं संस्करणको फिनाले युएईको बरदुबईमा हुँनेछ । जम्मा ३३ बिधा रहेको यस अवार्ड यसपटक जाजरकोट र रुकुम भुकम्प पिडितको सहयोगार्थका लागि आयोजना हुने जानकारी प्राप्त भएको छ । रोयल मुभिज प्रालिको प्रस्तुति र सिन्धुपाल्चोक सेवा समाज यूएईको सहकार्यमा पुस १ अर्थात ‘१७ डिसेम्बर २०२३’ मा याक एण्ड यति ग्राण्ड एस्टोरिया होटल बरदुबईमा आयोजना हुने रोयल मुभिजका अध्यक्ष निरेन श्रेष्ठले जानकारी दिएका छन् । श्रेष्ठका अनुसार नेपालबाट झण्डै ३० जना कलाकार र आयोजक टिम अवार्ड समारोहका लागि दुबई जाने तयारी भइरहेको छ ।
अवार्डको आयोजक समितिमा अध्यक्ष निरेन श्रेष्ठ, कार्यक्रम संयोजक राजेन्द्र पुरी, उपाध्यक्ष रमेश श्रेष्ठ, कोषाध्यक्ष उमादेवि श्रेष्ठ, सचिव अस्मिता धमला, सदस्यहरु पूर्णिमा घिसिङ, तारा भण्डारी, बिएन नारायण बहादुर र केशब राना रहेका छन् ।
