काठमाडौं २५ असार । लिम्बु जातिको सँस्कृती, बैबाहिक संस्कार, रितीस्थिती, गरिबी भित्रको पिडालाई सामाजिक समस्या अदिका बारेमा जान्ने उत्सुकता मेटाउने चलचित्र सुगुप अब नेपाली भाषमा पनि हेर्न पाइने भएको छ ।
उपत्यकाको अपार सफलता पश्चात पूर्वाञ्चलको बिभिन्न शहरमा भएको बिशेष प्रदर्शनमा उतिकै दर्शकहरुको मायाँ पाएको लिम्बु भाषको चलचित्र सुगुप अब नेपाली भाषामा पनि हेर्न पाईने भएको हो । पटकथा, लेखन देबेन्द्र खापुङ सुर्केली, सबटाइटल गौतम राज खड्का, डिबि आङ्बुङको रहेको चलचित्र फक्ताङ्लुङ इन्टरटेन्डमेन्ट प्रालिको आफ्नै युटुब च्यानलबाट लिम्बु भाषामा रहेको चलचित्र ‘सुगुप’ले नेपाली भाषाको टेलर समेत सार्बजनिक गरेको छ । सिसेक्पा तङ्नामको अवसरमा किरात याक्थुङ चुम्लुङ अमेरिकाको आयोजनामा नेपाली भाषामा पहिलो चरणमा बिश्वको कोरिया, बेलायत, जापान, युएई, मलेसिया, इजरायल लगायतका देशमा ‘सुगुप’ चलचित्र प्रदर्शनमा ल्याउने तयारी भैरहेको चलचित्रका प्रस्तुतकर्ता एबं मुख्य निर्माता रबिन कुमार नाल्बो लिम्बुले जानकारी दिएका छन ।
लोकेन सावाँ लिम्बुको निर्देशन रहेको ‘सुगुप’ मा एक बियोगान्त कथा बोकेको चलचित्र सुगुपमा प्रेम सुब्बा, यासेली योङहाङ, मौसम ईम्बुङ लिम्बू, बबिता नेयोङहाङ, सुम्नीमा खापुङ, डम्बर कुमारी, पयाङगो मेन्याङबो, योमन सोदेम्बा, सागर केरुङ, रुकमान लिम्बू, निता लिम्बू, रबिन इन्द्र शेर्पा लगायतका कलाकारहरुको जीवन्त अभिनय रहेको छ । चलचित्रमा शैलेन्द्र कुमार नाल्बो, दिलमायाँ लाबुङ नाल्बो, एल.पी. साँवा लिम्बु, मनिषा सुब्बा नाल्बो, श्रीप्रसाद माबोको पनि सुगुपमा लगानी रहेको छ ।
