काठमाडाैं । भारतलाई ४–२ ले हराउँदै नेपाल साफ महिला च्याम्पियनसिपको फाइनलमा प्रवेश गरेको छ । दशरथ रंगशालामा आइतबार राति सम्पन्न खेलमा नेपालले बराबरी गोल फर्काएपछि पेनाल्टीमा पुगेको थियो ।
पेनाल्टीमा नेपालले ४ गोल गरेको थियो भने भारतले २ गोल गरेको थियो । पेनाल्टीमा नेपालका सावित्रा, गीता राना, सविता राना मगर र अमिशा कार्कीले गोल गरेका हुन् । भारतको लागि पहिलो पेनाल्टी प्रहार गरेकी कप्तान आशालता देवीले बारमा प्रहार गरिन् ।भारतीय मिडफिल्डर रन्जना चानुको प्रहार गोलकिपर अन्जना राना मगरले बचाएपछी नेपाल विजयी भएको हो ।
दोस्रो हाफमा नेपाल १० खेलाडीमा समेटियो । अब नेपालले असोज १४ गते बंगलादेशसँग अन्तिम प्रतिस्पर्धा गर्ने छ ।
