काठमाडौं । छायाँछबी क्रृयसनले बिहीवार छायाँछबी काब्य श्रृंखलाको तेस्रो सिलसिला सम्पन्न गरेको छ । विहिवार राजधानीमा भएको छायाँछवि काव्य श्रृंखलामा बसन्तप्रकाश उपाध्याय र शान्ति शर्मा सुनिएका छन् । श्रृंखलामा अढाई दशकदेखि साहित्यमा क्रियाशिल रहदै आएका गोरखापत्र संस्थानका महाप्रवन्धक एवम् कवि बसन्त प्रकाशले कविता बाचन गरेका थिए भने गजलकार शान्ति शर्माले गजलहरु सुनाएकी थिइन् । वाचन गरिएका श्रष्टाका श्रृजनामाथी विशेष अतिथी कृष्णहरि बरालले समिक्षा गरेका थिए ।
त्यस्तै कार्यक्रमकी विशेष अतिथी चलचित्र अभिनेत्री बसुन्धरा भुसालले आफू यस्तोखाले लोकप्रिय साहित्यिक कार्यक्रममा आउन पाएकोमा खुशी व्यक्त गरेकी थिइन् । कार्यक्रमका श्रष्टाद्वय बसन्त प्रकाश उपाध्याय र शान्ति शर्माले आफूलाई तेस्रो सिलसिलामा चयन गरिएकोमा आभार व्यक्त गरेका थिए ।
छायाँछवि काव्य श्रृंखलाकी संयोजक एवम् मुक्तककार रश्मि रोदनको मुक्तक बाचनबाट कार्यक्रम शुरु भएको कार्यक्रममा संयोजक रश्मि रोदनले कार्यक्रमबारे प्रकाश पार्दै उपस्थित साहित्यकार एवम् चलचित्र तथा सङ्गीतकर्मीलाई स्वागत गरेकी थिइन् । छायाँछवि क्रियशनका अध्यक्ष शान्तिप्रियले कार्यक्रमबारे प्रकाश पारेकाथिए । मन्तव्य राख्दै शान्तिप्रियले साहित्य, सङ्गीत र चलचित्रको त्रिवेणीलाई एकीकृत गराउने प्रयास स्वरुप आयोजना गरिदै आएको बताए । छायाँछवि काव्य श्रृंखलाको चौथो श्रृंखला आगामी माघ १६ मा गरिने बताइएको छ ।
