एजेन्सी । म्यानचेस्टर सिटी विगान एथ्लेटिकसँग १ -० ले पराजित भएको छ । गए राति भएकाे एफए कपको पाँचौं राउन्डको खेलमा हारसँगै सिटी एफए कपबाट पनि बाहिरिएको छ ।पहिलो हाफमा खेल सिटीले नियन्त्रणमा राखे पनि गोल गर्न असफल भएको थियो । त्यस्तै पहिलो हाफको अन्तिम समयमा म्यानचेस्टर सिटीका मिडफिल्डर फाबियन डेल्फले ट्याकलका लागि रातो कार्ड पाएपछि सिटी १० खेलाडीमा सीमित भएको थियो ।
सिटीले आफ्नो ध्यान आक्रमणतिर केन्द्रित गर्दा विगानले त्यसको फाइदा उठाउन सफल भयो । अब क्वाटरफाइनलमा विगानले साउथह्याम्प्टनको सामना गर्ने छ ।
