काठमाण्डौ,२४ फागुन । कलाकार रोमा न्यौपानेलाई प्रहरीले पक्राउ गरेको छ । एक खुट्टाको भरमा नाच देखाएर चर्चा बटुलेकी न्यौपानेलाई ठगी गरेको आरोपमा प्रहरी परिसर काठमाडौंले पक्राउ गरेको हो । ठगी मुद्दाको फरार अभियुक्त रहेकी न्यौपाने बिभिन्न ब्यक्तिबाट गरि साढे ३६ लाख रुपैयाँ ठगी गरेको भन्दै काठमाडौं जिल्ला अदालतमा मुद्दा दर्ता भएको थियो। भोल्युन्टर एसोसिएसन अफ डिसेबलिटिज (भीएडी) नामक संस्था खोलेर त्यसैमार्फत भीएडी नेपाल लघुवित्त कार्यक्रम नामको सहकारी अनुमतिबिना चलाई लाखौं पैयाँ ठगी गरेको आरोप उनीमाथि छ ।