एजेन्सी । क्रोयसियाका एक खेलाडीको फुटबल खेल्दै गर्दा मृत्यु भएको छ । क्रोयसियाको तेस्रो डिभिजनबाट व्यवसायिक फुटबल खेल्ने ब्रुनो बोबनको मैदानमै मृत्यु भएको हो । सन् १९९२ मा जन्मेका बोबनले मार्सोनियाबाट फुटबल खेल्दै आइरहेका थिए ।

डिफेन्डर रहेका उनले विपक्षी एनके स्लाभोनिजा क्लबका खेलाडीले प्रहार गरेको बल छात्तीले रोक्दा उनको मैदानमै मृत्यु भएको हो । बलले उनको छातिमा लागेपछि उनी बेहोस भएका थिए । तत्काल मेडिकल टिम उपचारका लागि मैदान पुगे पनि उनलाई बचाउन सकेनन् ।बोबन क्रोयसियाको तस्रो डिभिजनको उच्च गोलकर्ता समेत हुन् ।