काठमाण्डौ,३२ साउन । जापान भ्रमणमा रहेको नेपाली राष्ट्रिय फुटबल टोली आज भएको मैत्रीपूर्ण खेलमा क्वान्सेइ गाकुइनलाई २–१ ले हराएको छ । भ्रमणमा यो नेपालको दोस्रो खेल हो । आज भएको खेलमा नेपालका लागि विमल घर्तिमगर र समुन लामाले गोल गरे । अब नेपालले भोलि अमिटी स्पोर्टस क्लबसँग खेल्नेछ । यसअघि नेपालले आफ्नो पहिलो खेलमा गाम्बा ओसाकासँग १–१ को बराबरी खेलेको थियो । एसियाकप छनोटका लागि तेस्रो चरणको तयारी गर्न नेपाली टिम जापान भ्रमणमा रहेको छ । नेपालले भदौ २० गते काठमाडौंमा ताजाकिस्तानको सामना खेल्ने छ ।