काठमाडौँ २६ भदौ ।मलेसियामा जारी एसीसी यू–१९ एसिया कप छनोट (पूर्व) क्षेत्रको पहिलो खेलमा नेपालले बिजयी शुरुवात गरेको छ । मलेसियाको क्लव आलम मैदानमा भएको खेलमा थाइल्याण्ड बिरु्द्ध २ सय ५६ रनको बिशाल अन्तरले जित हासिल गर्दै सुखल शुरुवात गरेको हो । सागर लामिछानेले एक्लै ७ वीट लिएका छन् ।
टस जितेर पहिले ब्याटिङ्ग गरेको नेपालले निर्धारित ५० ओभरमा ७ वीकेट गुमाएर २ सय ८१ रनको बिशाल योगफल तयार गरेको थियो । २ सय ८२ रनको लक्ष्य पछ्याउँदै जवाफी ब्याटिङ्गमा उत्रेको थाइल्याण्ड नेपाली बलरहरुका सामू निरीह बन्यो । मैदानमा १० ओभर टिकेको थाइल्याण्डले जम्मा २६ रन मात्र बनायो ।
