काठमाण्डौ, २९ भदौ । रास्वजा नेतृ एवं पूर्वशिक्षा मन्त्री सुमना श्रेष्ठले पार्टी छोडेको घोषणा गरेकी छिन् । देश भन्दा माथीए पार्टी र पार्टी भन्दा माथी नेता नहुने भन्दै उनले एमाले कांग्रेस लगायत अन्य दलका तेस्रो पुस्तालाई समेत नेताहरुलाई पूजा गर्न बन्द गरेर उनिहरुलाई हटाउने वा आफू हट्ने अभियान चलाउन आग्रह गरेकी छन् । सामाजिक सन्जालमा आफूले रास्वपा छोडेको घोषणा गर्दै सुमना श्रेष्ठ लेख्छिन् – ‘कहिल्यै गल्ति नस्विकार्ने । गल्तिमाथि गल्ति गरिरहने र त्यसको बोझ पार्टीका सबैले बोकिदिनु पर्ने । पार्टीभित्र आलोचना गर्नेहरूका विरूद्धमा मिडिया ट्रायल गर्ने । जहिलेदेखि राष्ट्रिय स्वतन्त्र पार्टीले देश भन्दा माथि पार्टी र पार्टीभन्दा माथि नेतालाई राख्न थालेको हो, त्यति बेला देखि नै आलोचना गर्दै आएको हुँ । तर त्यसले कत्ति पनि फरक पारेन । अझ उल्टै मीडिया ट्रयाल हुन थाल्यो । यो स्विकार्य छैन ।
अब खुल्लारूपमा आक्रमण गर्ने हो भने पनि सजिलो बनाइदिएको छु । मनलाग्दी चलुन्जेल मनलाग्दी गर्नु होला । क्वीट मैले पार्टी छोडेँ । कांग्रेस एमाले लगायतका पार्टीका तेस्रो पुस्ताका नेताहरू पनि यो सोच्नुहोस् । आजको दिनको परिस्थिति आउन तपाईहरूको भन्दा बढि तपाईहरूको नेतृत्वको व्यहोराले हो । त्यो किन बोकेर बस्नु हुन्छ ? अहिले सहि समय आएको छ । आफ्ना नेताहरूलाई पुजा गर्न बन्द गर्नुहोस् । कि हटाउनुहोस्, कि हट्नुहोस् ।’
