काठमाण्डौ २६ असार । पृथ्वी राजमार्ग आजदेखी दैनिक ५ घण्टा बन्द हुने भएको छ । राजमार्ग अन्तर्गत नौबिसे–मलेखु सडक खण्ड १५ दिनसम्म रातमा पाँच घण्टा बन्द हुने भएको हो । नागढुङ्गा–मुग्लिङ सडक आयोजना (पूर्वी खण्ड) ले एक सूचना निकालेर नौबिसे–मलेखु सडक खण्ड राति १० बजेदेखि बिहान ३ बजेसम्म बन्द गर्न लागिएको जनाएको हो ।
पृथ्बी राजमार्गको खण्डमा पर्ने गणेश खोला, डाङडुङ खोला, खेस्टे खोला र पोखरा खोलाका पुलको संरचनामा काम गर्ने गरी आज रातिदेखि सडक बन्द गर्न लागिएको आयोजनाले जनाएको हो । सडक बन्द भएको बेलामा अत्यावश्यक सेवाका एम्बुलेन्स, सुरक्षा निकायलगायतका गाडी भने चल्न सक्नेछन् । साथै बैकल्पिक मार्गको रुपमा गल्छी–बिदुर–छहरे–टोखा सडक प्रयोग गर्न सकिने पनि आयोजनाले जनाएको छ ।
(फाइल फोटो ः मुग्लीन पुल)
