काठमाडौं, साउन २२। तेह्रथुमको मेन्छयायेम गाउँपालिकामा उपाध्यक्षको ससुराको निधनप्रति शोक बिदा दिइएको छ ।
मेन्छयायेमकी उपाध्यक्ष गीतादेवी तिम्सिना गौमतका ससुरा कृष्णप्रसाद गौतमको निधनप्रति शुक्रबार (आज) गाउँपालिकामा शोक बिदा दिइएको हो ।
गाउँपालिका कार्यालयले आज एक विज्ञप्ति जारी गर्दै कृष्णप्रसादको निधनप्रति गाउँपालिका परिवार शोकमा डुबेको बताउँदै बिदा दिने निर्णय गरेको बताइएको छ । कृष्णप्रसादको गएराति ११ः४० मा निधन भएको थियो ।
गाउँपालिकाका अनुसार उनको निधनमा आज गाउँपालिका कार्यालय, सबै वडा कार्यालयहरु, सम्पूर्ण शैक्षिक संस्थाहरु सहित मातहतका कार्यालयहरु बन्द हुनेछन् ।
