उदयपुर । कटारीबाट गाईघाटतर्फ जाँदै गरेको ट्रक गएराति दुर्घटना हुँदा २४ प्रहरी घाइते भएका भएका छन्।
बा १ ग २१६७ नम्बरको ट्रक राति करिब ९ बजेको समयमा गाईघाट–कटारी सडकखण्डको उदयपुरगढी गाउपालिका ७ अँधेरी भन्ने ठाउँमा दुर्घटना हुँदा त्यसमा सवार २४ प्रहरी घाइते भएका हुन् ।,घाइते मध्ये ३ जनाको अवस्था गम्भिर रहेको जनाइएको छ ।
नोवेल अस्पताल विराटनगरमा उपचारमा रहेका घाइतेहरु मध्ये दुई जनाको अवस्था चिन्ताजनक रहेको र १७ जनाको त्यहाँ उपचार चलिरहेको छ ।
दुर्घटनापछि घाइते प्रहरीहरुको उद्धारगरी जिल्ला अस्पतालमा १४ र त्रियुगा हस्पिटलमा १० जनालाई प्राथमिक उपचारपछि थप उपचारका लागि विराटनगर पठाइएको हो । ओरालोमा ट्रकको ब्रेक फेल भई दुर्घटना भएको हुनसक्ने प्रहरीको अनुमान छ ।
