काठमाडौं, २७ फागुन । पूर्व पर्यटन मन्त्री सुदन किराँती शब्द, शान्तिराम राईको संगीत, देवेश राईको संगीत संयोजनमा पलपल बगिरहेछु गीतको भिडियो सार्वजनिक गरिएको छ । किराँतीले आफ्नो जन्मोत्सवको अवसर पारेर हिजो एक कार्यक्रमको आयोजना गरि बरिष्ठ नृत्य निर्देशक भैरव थापालाई सम्मान गर्दै आफ्नो गित सार्बजनिक गरेका हुन । गायक तथा संगीतकार कन्काइष्ट राईको आवाजमा रहेको नयाँ गीत ‘पलपल बगिरहेछु’मा मतुवाली र आर्यन बीचको बाल्यकालको मायाँप्रेमलाई बिथोल्न खोजेपनि कालान्तरमा उनिहरुको प्रेमले सार्थकता पाएको देखाउन खोजिएको छ । विशेष गरि पूर्वेली समाजमा देखिने वास्तविकतालाई उजागर गर्न खोजिएको गीतलाई योगेन मुकारुङले रेकर्डिङ गरेका हुन भने मिक्सिङ मास्टरिङ्ग मिन विष्टले गरेका छन् । गाउँवस्तिको सुन्दर दृश्य कैद गरिएको भिडियोमा आर्यान सिग्देल, मल्लिका महत लगायतको अभिनय रहेको छ भने बाल कलाकारमा उचित ढकाल, समृध्दि खड्गी, आएल्य शेर्पा रहेका छन् । सम्पादन बिकास धमला, क्यामरा उत्तम हुमगाई, निर्देशन निकेश खड्काको रहेको छ ।
भिडियो
